خیبر ایجینسی (مانیٹرنگ دیسک) پاکستان کے قبائلی علاقے خیبر ایجنسی میں باراتیوں کی ایک گاڑی سیلابی ریلے میں بہہ جانے سے 26افراد ہلاک ہوگئے ہیں اور 3 افراد زخمی ہیں۔
نجی ٹی وی کی رپورٹ کے مطابق باراتیوں سے بھری گاڑی واپسی پر سیلابی ریلے کو کراس کرتے ہوئے پانی کے ساتھ بہہ گئی جس کے باعث 26 افراد ہلاک ہو گئے ہیں ہلاک ہونے والوں میں 18 بچے، چھ خواتین اور دو مرد شامل ہیں،کہا جا رہا ہے کہ گاڑی میں کم سن بچوں سمیت30 سے40 افراد سوار تھے۔
رپورٹ کے مطابق صبح سویرے باراتیوں کو لے کر دو بسیں واپس آرہی تھی کہ لنڈی کوتل کے ایک مقام ہر جہاں دو ندیاں آپس میں ملتی ہیں وہاں پانی کا بہاؤ زیادہ تھا، ایک بس تو اس ریلے سے نکل گئی لیکن دوسری بد قسمت گاڑی ندی پار کر ہی رہی تھی کہ اچانک ایک بڑا سیلابی ریلا آیا جو گاڑی کو اپنے ساتھ بہا لے گیا.
رپورٹ کے مطابق بس میں سوار افراد کی لاشیں دور تک مختلف مقامات میں پھیل گئی ہیں جنھیں ایک، ایک کر کے تلاش کیا گیا اور پھر ورثا کے حوالے کر دیا گیا ہے،ہلاک ہونے والوں میں 14 افراد کا تعلق ایک ہی گھرانے سے ہے۔

LEAVE A REPLY