Actor Rap's Allegations on Mithun Chakraborty Son
Actor Rap's Allegations on Mithun Chakraborty Son

Actor Rap’s Allegations on Mithun Chakraborty Son

 

بھارتی دارالحکومت دہلی کی مقامی عدالت نے بولی وڈ کے نامور اداکار متھن چکرورتی کی اہلیہ یوگیتا بالی اور ان کے بیٹے مہاکشے چکرورتی پر بھوج پوری اداکارہ کا ریپ کرنے، دھوکا دینے اور مرضی کے بغیر اسقاط حمل کے الزامات کے بعد مقدمہ درج کرنے کا حکم دیا ہے۔

ہندوستان ٹائمز کی رپورٹ کے مطابق بھارتی اور بھوج پوری فلموں میں کام کرنے والی اداکارہ نے متھن کے بیٹے مہاکشے کے خلاف کورٹ میں درخوست جمع کروائی، جس میں اداکارہ نے موقف اختیار کیا کہ ان کے مہاکشے سے 2015 سے تعلقات رہے۔

انہوں نے مہاکشے پر یہ بھی الزام لگایا کہ شادی کا جھوٹا وعدہ کرکے مہاکشے نے ان کے ساتھ جسمانی تعلق رکھا۔

اداکارہ کی شکایت درج کرانے کے بعد عدالت کے حکم پر مہاکشے اور ان کی والدہ یوگیتا کے خلاف ریپ کرنے، دھوکا دینے اور مرضی کے بغیر اسقاط حمل کرنے کی ایف آئی آر درج کی گئی۔

متھن کے بیٹے پر مقدمہ کرنے والی اداکارہ کی شناخت ظاہر نہیں کی گئی۔

متھن چکروتی کی اہلیہ یوگیتا بالی پر اداکارہ کو ڈرانے دھکمانے کا مقدمہ درج کیا گیا ہے۔

خیال رہے کہ ’ڈسکو ڈانسر‘ متھن چکروتی کے بیٹے کی شادی 7 جولائی کو بولی وڈ فلم ’اینجل‘ میں کام کرنے والی ادکارہ مادالسا شرما سے ہونے والی ہے جو ہدایت کار سبھاش شرما کی صاحبزادی ہیں۔

مہاکشے نے 2008 میں فلم ’جمی‘ کے ساتھ فلمیں انڈسٹری میں ڈیبیو کیا، جس کے بعد انہیں فلم فیئر ایوارڈ کے لیے نامزد بھی کیا گیا تھا۔

LEAVE A REPLY